រំដួល(បទពាក្យ៧)

រំដួលដុះដែនដីជនបទ                                  

រំដួលល្អហ្មត់ផុតអ្នកផង

រំដួលល្អពេកទាក់ភ្នែកបង                           

រំដួលនួនល្អងក្រងចិត្តស្នេហ៍ ។

រំដួលក្លិនឆួលជាប់នាសា                             

រំដួលបុប្ផាផ្កាស្រុកស្រែ

រំដួលរៀមជ្រួលចិត្តចង់ក្បែរ                            រំដួលគួរតែមានមេត្តា ។

រំដួលផ្កាព្រៃល្បីសាយសព្វ                            រំដួលសំណព្វម្ចាស់ឱរា

រំដួលដុះទួលព្រៃព្រឹក្សា                                  រំដួលរុក្ខាចារជាប់ចិត្ត ។

រំដួលដើមខ្ពស់ឈ្មោះសាកសម                    រំដួលរាងហំណាស់ស្នេហ៍ស្និត

រំដួលបងពោលចេញពីចិត្ត                          រំដួលអាណិតណាពុំងា ។

រំដួលមានរសឆ្ងាញ់ពិសា                             រំដួលមានផ្កាខ្លិនសួគា

រំដួលមនុស្សចូលចិត្តគ្រប់គ្នា                      រំដួលគ្រប់គ្រាស្នេហ៍រំដួល ។

 និពន្ធដោយ៖ លោក តិក លីហ៊ាន