កូនៗកុមារ(បទកាកគិតិ)

កូនៗកុមារ                       ចូរស្តាប់វាចារ                      គ្រូចែងទុកឲ្យ

 អានលេងកម្សាន្ត              បានដឹងមុខក្រោយ             កូនកុំបណ្តោយ

                                                ឲ្យបាត់វេលា ។

កូនៗកុមារ                       គួរទៅសាលា          បានគ្រប់ៗគ្នា

កូនកុំអល់ឯក                   រារែករុញរា              ចូរឆាប់ម្នីម្នា

                                        ព្យាយាមសំភី ។

          កូនៗកុមារ                       ពុកម៉ែធ្វើការ          រែកពុនសែងលី

          ប្រឹងរកកម្រៃ                     ឲ្យថ្លៃជីវី                           គ្រប់វិនាទី

                                                ពុំពោលត្អូញត្អែ ។

          កូនៗកុមារ                       ចូរចងចាំណា                   ពាក្យពុកពាក្យម៉ែ

          ជីដូនជីតា                         មីងមាផងដែរ                   កូនកុំបីបែរ

                                                ប្រែពីបំណង ។

          កូនៗកុមារ                       ពោលពាក្យវាចារ              ឲ្យស្គាល់ប្អូនបង

          ទោះអ្នកដទៃ                     ស្តីឲ្យសមផង           សាស័ព្ទឆ្លើយឆ្លង

                                                ដោយពាក្យទន់ភ្លន់ ។

          កូនៗកុមារ                       ទោះទៅទីណា                   ចរិតឲ្យទន់

          ដេកដើរអង្គុយ                  ត្រូវគិតគយគន់                 ស្គាល់ពាក្យស្រាលធ្ងន់

                                                ស្គាល់ខុសស្គាល់ត្រូវ ។

          កូនៗកុមារ                       កុំបង្អង់ណា                      នាំគ្នាដើរទៅ

          រកសាលារៀន                  ជាស្ពាននាំផ្លូវ                   រៀនឲ្យបានជ្រៅ

                                                ក្រេបនូវវិជ្ជា ។

          កូនៗកុមារ                       ពេលបានសិក្សា                យើងមានមាគ៌ា

          អាចស្រាយបញ្ហា              ឆ្ការទុក្ខវេទនា                    ឆាប់ឡើងម្នីម្នា

                                                កូនៗកុមារ ៕

អង្គរជុំថ្ងៃទី០៧ ខែមិថុនា ឆ្នាំ២០១២

                                                                      និពន្ធដោយ៖ លោក   តិក លីហ៊ាន

About បេះដូងពិត

បេះដូងពិត

Posted on ខែមិថុនា 17, 2012, in កំណាព្យ, តិក លីហ៊ាន, រឿងកុមារ and tagged . Bookmark the permalink. បញ្ចេញមតិ.

ឆ្លើយ​តប

Fill in your details below or click an icon to log in:

ឡូហ្កូ WordPress.com

អ្នក​កំពុង​បញ្ចេញ​មតិ​ដោយ​ប្រើ​គណនី WordPress.com របស់​អ្នក​។ Log Out /  ផ្លាស់ប្តូរ )

Google photo

អ្នក​កំពុង​បញ្ចេញ​មតិ​ដោយ​ប្រើ​គណនី Google របស់​អ្នក​។ Log Out /  ផ្លាស់ប្តូរ )

រូប Twitter

អ្នក​កំពុង​បញ្ចេញ​មតិ​ដោយ​ប្រើ​គណនី Twitter របស់​អ្នក​។ Log Out /  ផ្លាស់ប្តូរ )

រូបថត Facebook

អ្នក​កំពុង​បញ្ចេញ​មតិ​ដោយ​ប្រើ​គណនី Facebook របស់​អ្នក​។ Log Out /  ផ្លាស់ប្តូរ )

កំពុង​ភ្ជាប់​ទៅ​កាន់ %s

%d bloggers like this: