អង្គរជុំទ្រនំស្នេហ៍(បទពាក្យ៧)

 ស្រុកអង្គរជុំខ្ញុំបានកើត                         

ជាស្រុកកំណើតឆើតហ្មត់ហ្មង

 ទឹកដីស្រុកស្រែស្រស់កន្លង          

ចិន្តាតែងផ្សងប៉ងរស់ក្បែរ ។

ស្រុកអង្គរជុំផ្តុំប្រជា                               ប្រុសស្រីច្រើនគ្នាជាអ្នកស្រែ

          អ្នកខ្លះខ្នះខ្នែងដាំបន្លែ                             ដំនាំហូរហែរហុចផល្លា ។

          ស្រុកអង្គរជុំក្រមុំស្រស់                           សម្តីក្បាយក្បោះពេលវាចា

          ទន់ភ្លន់ពីរោះទោះពេលណា                             រៀមផ្ទៀងសោតាស្តាប់សម្តី ។

          ស្រុកអង្គរជុំទ្រនំឯក                     ខ្ញុំពុំចង់បែកឆ្ងាយទឹកដី

          ចង់នៅរួមរស់ជិតប្រុសស្រី            សាងសុខភក្តីដីចម្ការ ។

          ស្រុកអង្គរជុំទ្រនំស្នេហ៍                          រៀមសូមរស់ក្បែរស្រស់ជីវា

          ឥតបីចង់ឃ្លាតទោះជាតិណា                  រួមក្តីស្នេហាលុះអវសាន្ត ៕

                                                                   អង្គរជុំថ្ងៃទី១០ ខែមិថុនា ឆ្នាំ២០១២

                                                                                     

                                                                                      និពន្ធដោយ៖ លោក តិក លីហ៊ាន