មាត់ស្រះផ្កាឈូក

និពន្ធដោយ៖ កវី.អ៊ីវ ហួត

ដកស្រង់ចេញពីសៀវភៅកំណាព្យ”អូនចង់ញ៉ាំអី”

‑ថ្ងៃត្រង់ត្រចះពពកម្តងៗ                         សត្វយំឆ្លើយឆ្លងមើលថ្ងៃអមខែ

ថ្ងៃបណ្តើរកូនកណ្តាលវាលស្រែ               ដើមត្នោតយួរផ្លែបក់ផ្លិតច្រើនត្រួត

‑ឯនាយភូមិករណ៍ជុំព្រះវិហារ                   ក្មេងវត្តច្រើនគ្នាប្រជែងប្រកួត

ស្រែកច្រៀងកំណាព្យស្រែកអស់ពីសួត     ល្វើយៗលឺស្មូតជាប់ជួនរដឹក។

‑មាត់ស្រះផ្កាឈូកដើមពោធិ៍ដុះអម            កែវកណ្ឌៀតក្អមដើរចុះដងទឹក

ដងទឹកស្រង់ព្រះ បងស្រេកបងនឹក           ចិត្តចង់សុំទឹកអូនផឹកមួយឆ្អែត។

‑ផ្កាអើយក្រពុំបងសុំពាល់ផង          និងបេះដូងបងដើរឆ្លងច្រើនខេត្ត

ទើបពើបប្រទះកណ្តាលខែចែត្រ               ចិត្តបងអណ្តែតតាមកែវភ្នែកស្រី៕