លាពៅទៅបួស

និពន្ធដោយ៖ កវី. អ៊ីវ ហួត

ដកស្រង់ចេញពីសៀវភៅកំណាព្យ “អូនចង់ញ៉ាំអី”

ជិតមាត់អណ្ដូងទងផ្កាព្រលិត

បងដើរឈរជិតវមិត្រពិសី

សក់វែងអន្លាយស្រអែមប្រិមប្រិយ             ញាប់ញ័រហរទ័យស្តីរកធីតា។

‑សុំពៅនៅចាំពៅអនុគ្រោះ                       បងលាទៅបួសសងគុណមាតា

សិក្សាធម៌ព្រះបានបីវស្សា                       សឹកភ្លាមកាលណាការនឹងនួនល្អង។

‑មុខមុំញញឹមសង្ឃឹមឆ្លងចិត្ត                     តម្កល់ជីវិតសន្យាស្នេហ៍ស្នង

ពេលបងបួសនាគនាងដង្ហែរផង               ដើរក្រោយសេះបងហោះហើរវេហាស៍។

‑បងសែនត្រេកអរញាប់ញ័រក្នុងចិត្ត             ចិត្តអូនអាណិតចិត្តបងប្រាថ្នា

 ចិត្តអូនបិរសុទ្ធផុតត្រួយស្នេហា                ប្តូរផ្តាច់រចនាមគ្គផលជីវិត៕

១៩/៣/៩៣