ឥទ្ធិពលស្នេហ៍(បទពាក្យ៧)

និពន្ធដោយ៖ លាក់ ម៉ាឡែន

១.      មុនចូលរោងការស្រក់ទឹកភ្នែក        ព្រោះបេះដូងបែកហែកជាពីរ

ចិត្តស្នេហ៍មិនដាច់ទុក្ខញាំញី           ប្រេះបែកធរណីស្លាប់ហើយខ្ញុំ។

២.      សេចក្តីស្នេហាថ្លាអនេក                 ទោះបីទឹកភ្នែកខ្ញុំក្រៀមក្រំ

មនុស្សបេះដូងស្មោះកំដរយំ           ចិត្តស្នេហ៍រងំផ្លុំចិត្តនឹក។

៣.      ទឹកចិត្តស្នេហាខ្លាំងក្លាណាស់          ឱ្យខ្ញុំបម្រាសលែងឈឺស្ពឹក

បំភ្លេចមនុស្សម្នាក់ដែលធ្លាប់នឹក      ឱ្យរស់រលឹកតែមនុស្សថ្មី។

៤.      អ្នកណាដែលថាមិនអាចភ្លេច          មនុស្សក្នុងជីវិតធ្លាប់ភក្តី

អ្នកត្រូវស្រឡាញ់គឺស្វាមី                មនុស្សរួមវិថីលុះថ្ងៃសូន្យ។

០៤ ០២ ២០១៣