ខ្មាសអង្គរជុំ

និពន្ធដោយលោក៖ តិក លីហ៊ាន (កវីបេះដូងស្មោះ)

ឱ អង្គរជុំក្រពុំបុប្ផា

ស្រុកស្រែចម្ការផ្កាដីជនបទ

បងស្នេហ៍អូនពេកដើរដេកខំអត់

តស៊ូអំណត់ខ្សត់ក្រពុំខ្វល់។

ក្បាលចាមភូមិកើតកំណើតស្នេហា

គោកល្វាដូនស្វាមេត្តាជួយផ្ដល់

គំនិតវែងខ្លីស្ដីជាយោបល់

ឲ្យខ្ញុំអស់ឆ្ងល់កាកសំណល់ស្នេហ៍។

ភូមិប្រាំដំឡឹងកុំប្រឹងចំអក                     ត្បិតឃើញខ្ញុំខកស្រីដកចិត្តប្រែ

តាសោមរៀមសុំប្រាប់ម៉ុមកុំបែ             តាលាវសូមថែស្នេហ៍ឲ្យថិតថេរ។

តាទយគោកក្បាត់ខ្ញុំណាត់ជួបនាង       គោកបុស្សភូមិយាងអូនច្រៀងបំពេរ

គោកពោធិ៍ពៅភ្លេចគ្មានសល់អ្វីទេ        ឲ្យបងខ្មាសគេខ្មាសអង្គរជុំ។

តិក​ លីហ៊ាន