អូននៅលើភ្នំ ប្តីយំស្រណោះ

និពន្ធដោយ៖ លោក កង ល័រ

I.ទឹកភ្នែកខ្ញុំស្រក់ព្រោះរឿងអភ័ព្វ

ខ្ញុំច្រៀងរៀបរាប់ពីរឿងសេ្នហា

គូគេដទៃគេមានវាសនា

តែខ្ញុំរៀបការ ការហើយបែកគ្នា។

II.សៀមរាបអូរស្មាច់ពិតឆ្ងាយកន្លង       ឱស្នេហ៍មាសបងបងសែនគ្រាំគ្រា

ការបានដប់ថ្ងៃស្រីមានការងារ              ច្បាប់គេទាមទារឱ្យអូនវិលវៃ។

R.ព្រោះតែជីរិតឱ្យយើងឃ្លាតឆ្ងាយ        សូមស្រស់ឆោមឆាយទ្រាំចុះណាស្រី

វ៉ាកងឆ្នាំនេះជួបគ្នាណាថ្លៃ                    កុំបារម្ភប្តី ប្តីបានសុខទេ។

III.ភ្នំស្មាច់ជាយដែនសូមផ្ញើស្នេហ៍ផង    បើត្រឹមសំរោងបងសប្បាយទ្វេ

តែអូននៅឆ្ងាយផ្ញើកាយនឹងគេ             ទ្រាំចុះណាស្នេហ៍ឆ្នាំក្រោយជួបគ្នា។