ឈាមនិងទឹកភ្នែក(បទពាក្យ៧)

និពន្ធដោយ៖ លាក់ ម៉ាឡែន

១.      ឱបាតដៃឈាមប្រឡាក់ដាម           ទឹកភ្នែករហាមជោកផែនថ្ពាល់

សំឡេងថ្ងួចថ្ងូរសូរក្នុងសាល           ឥតមានពិភាល់ទឹកភ្នែកម៉ែ។

២.      ឈឺចាប់ពេកហើយព្រះអើយទត      នេះឬមនុស្សលោកប្រឡាក់ស្នេហ៍

ឈឺចាប់យ៉ាងនេះឬអ្នកម៉ែ              ទម្រាំបានក្បែរស្នេហ៍កូនមាស។

៣.      ក្តុកក្តួលពេកហើយសម្រាប់ខ្ញុំ          បេះដូងស្រែកយំសុំបម្រាស់

ចុកចាប់ពឺតផ្សាឈឺខ្លាំងណាស់       ឃើញផែនដីច្បាស់នឿយណាស់ខ្ញុំ។

មន្ទីរពេទ្យគន្ធបុប្ផា ថ្ងៃទី១៩ ខែមិថុនា​ ឆ្នាំ២០១៤