សមុទ្រស្នេហ៍ទន្លេទុក្ខ(បទពាក្យ៧)

និពន្ធដោយ៖ លាក់ ម៉ាឡែន

១.      សមុទ្រស្នេហ៍ស្មោះដូចជ្រោះជ្រៅ    ខ្ញុំឆ្លងផុតទៅនៅស្រួលហើយ

តែទន្លេទុក្ខខ្ញុំនៅឡើយ                  មិនទាន់ស្គាល់ត្រើយនោះយ៉ាងណា។

២.      ខ្ញុំថាខ្ញុំមាំសមក្រៃណាស់                ភពផែនស្គាល់ច្បាស់ណាស់នេត្រា

មិនដែលភ័យខ្លាចនឹងអ្នកណា        គ្រវាសហត្ថាស្មារតីជាក់។

៣.      ដល់ពេលមកឃើញឋាននរក          ទឹកភ្នែកធ្លាយស្រក់ថ្លើមធ្លាយធ្លាក់

ទប់ចិត្តមិនជាប់ទ្រូងកន្រ្តាក់            នេះឬច្រវាក់នៃជីវិត។

៤.      ចុះចាញ់មិនមែនជម្រើសខ្ញុំ             ប៉ុន្តែខ្ញុំយំជាការពិត

ទន្លេទុក្ខអើយល្វីងជ្រិញស្អិត           ចាំមួយជីវិតក្នុងជាតិនេះ។

មន្ទីពេទ្យគន្ធបុប្ផា ថ្ងៃទី១៩ ខែមិថុនា​ ឆ្នាំ២០១៤