ស្វែងរកអូន!

ប្រ.បងហោះជ្រែកមេឃបងមុជជ្រែកដី         

រកសព្វពេញផ្ទៃនៃទ្វីបទាំងប្រាំ

  រកសព្វសមុទ្រសាគរហើយផ្តាំ                 

ជួយចិត្តបងចំាស្នេហ៍តែជីវ៉ា។

យើងដាំដើមឈើ

‑យើងដាំដើមឈើ គ្រប់ព្រៃសារថ្មី             

ទ្រនំសត្វព្រៃ ទប់ដីព្រៃភ្នំ

 ស្តារទន្លេសាប ដាំឈើព័ន្ធជុំ                    

ទ្រនំត្រីកំ កុះករព្រួលប្រា។

កូនស្រីមាសម្តាយ

‑ឱ! កូនក្រមុំបណ្តូលចិត្តម្តាយ                  

ទៅណាបាត់ឆ្ងាយអធ្រាត្រយប់ជ្រៅ

 ឲ្យម្តាយទុក្ខសោក ព្រួយចាំមើលផ្លូវ         

កូនស្រីពាលពៅកូននៅឯណា?។

ក្បាលមានលទ្ធភាព

‑ក្បាលមានលទ្ធភាព បែងភាគបែងភ័ព្វ

បើចេះប្រើជាប់ ជាទ័ព្វប៉ិនថ្នឹក

មានឫទ្ធិជ្រែកមេឃ ជ្រែកដីជ្រែកទឹក

ក្បាលគិតសន្ធឹក ព្រឹកល្ងាចគ្មានរា។

ពណ៌ប្រចាំថ្ងៃ

‑បងរំភើបណាស់មើលមុំមាសស្នេហ៍         

តែងខ្លួនជាខ្មែរស្រើបស្រស់សមសួន

 ប្រាប់បងបានទេ!ព្រលឹងមាសស្ងួន          

អូនតែងតាមក្បួនក្បួនខ្មែរអង្គរ។

ទុំទ្រនំទាវ

‑បងអើយៗបងទុំបណ្តូលចិត្ត                 

  ទាវអូនអាណិតចិត្តបងភក្តី

 ប្តូរស្លាប់ប្តូររស់ ស្មោះនឹងមេត្រី                

ផ្ទឹមនឹងករណិយទេព្យកោសល្យបង។

‑បងជាអ្នកប្រាជ្ញ កាព្យឃ្លោងពិស្តារ          

ដោះស្រាយប្រស្នា សាសនាឆ្លើយឆ្លង

អាល័យក្នុងចិត្ត

អាល័យក្នុងចិត្ត គិតមិត្តប្រុសស្នេហ៍

វាសនាប្រួលប្រែ បង្វែរខែថ្ងៃ

ឲ្យខានបានផ្គួប ជួបដូចស្រមៃ

នែបនិត្យនិស្ស័យ ចងដៃថ្ងៃការ។

ជួបមុខបងភ្លាម

ជួបមុខបងភ្លាម អូនត្រៀមស្អប់យូរ

មិនគួរជាគូ តស៊ូស្មោះសរ

រូបបងខ្មៅល្អិត តែចិត្តបងល្អ

នឹងរកកម្រ កសាងជីវា។

បងជាអាខ្វិន ប៉ិនលេបខាយគ្រាន់

ផែនដីរួញតូច

ផែនដីរួញតូច មើលឃើញស្តាប់ឮ

ប្រាជ្ញារន្ទឺ ពន្លឺគំនិត

ទូរទស្សន៍ ទូរស័ព្ទ ស្តាប់ឮដូចជិត

រឿងពិតដែលឋិត នៅជើងមេឃម្ខាង។

វិទ្យាសាស្រ្តជឿនលឿន ល្បឿនយន្តហោះ

អូនឈរជិតបង

អូនឈរជិតបង នៅអង្គរវត្ត

ទេសចរចង់ថត សង្ឃទតសរសើរ

វាសនាសង្សារ រចនាប្រសើរ

ផ្សំផ្គុំដំណើរ ជាគូរស្រករ។

អូនប៉ងយូរហើយ ស្គាល់ត្រើយសុខសាន្ត