វាសនាក្មេងពាល(បទពាក្យ៧)

និពន្ធដោយ៖ កវីវ័យក្មេង. ស្ងួន យន់រដ្ឋា

ប្រទេសកម្ពុជាយើងសព្វថ្ងៃ            កំពុងចង្រៃព្រោះក្មេងពាល

កាប់សម្លាប់គ្នាដេករង្គៀល              ចាស់ខ្លះតិះដៀលគ្មានរើសមុខ។

ក្មេងស្ទាវខ្លះប្រមូលគ្នាកាប់              ប៉ូលិសឃើញចាប់ញាត់ចូលគុក

ធ្វើឲ្យបាត់បង់យសម៉ែពុក                ព្រោះកូនចូលគុកទាំងវ័យក្មេង។

ក្មេងខ្លះពាត់សាលាមិនរៀន             ព្រោះតែការមានចិត្តចង់លេង

ប្រលែងគៀកកើយនិងស្តាប់ភ្លេង      មានចិត្តរារែកមិនចូលរៀន។

សព្វថ្ងៃមានទាំងក្មេងជក់ថ្នាំ                 គ្រឿនញៀនប្រចាំថែមទាំងមាន

ស្រីស្រាស្លៀកខោគឹបក្រលៀន        មើលឡើងភ្នែកលៀនស្ទើចេញក្រៅ។

ឯក្មេងខ្ឡះទៀតមានចិត្តខ្លាំង             មានចិត្តប្រឆាំងទាំងក្មេងឆ្អៅ

ណែនាំឲ្យល្អតាមធម៏ក្តៅ                  នៅធ្វើចិត្តឆៅមិនចង់ស្តាប់។

លទ្ធផលសម្រាប់អ្នកជក់ថ្នាំ                 ម៉ែពុកមិនចាំហ៊ានសម្លាប់

បោះបង់ចោលព្រោះថាមិនស្តាប់       ម៉ែពុកប្រញាប់ប្រាប់ប៉ូលិស។

ក្មេងខ្លះញៀនដល់បាត់ស្មារតី           ឆក់ប្លន់មិនថ្វីតាមឈ្នានីស

បំផ្លាញទ្រព្យគេធ្វើកុំមុយនីស                 យកទ្រព្យលួចនេះដូរគ្រឿនញៀន។